اصحاب التيما 2018

الالتيما تحتاج الاهتمام بزيوتها مثل زيت الفرامل وزيت القير يتغير كل 100الف اجباري عند الوكالة (نوع الزيت مكتوب تحت الكبوت)
وزيت المكينة بحكم انها المنيوم لازم خفيف واذا انت راعي خطوط خذ تخليقي وخل الحمل دائما على الجلنط ( تحط القير فـN ثم تسحب الجلنط عشان الحمل يكون عليه وتغير الى P)
وطبعا لمى تشغل موترك تنقله لـN ثم تسحب الجلنط وتاكد ماتاخذ جلنط الكتروني بل خذ العصا المتعارف عليه

وشحم الموتر بلوكالة عشان مايصدي لان بعض القطع استيل وانتهى بيعيش معك القير والمكينة وباقي القطع تغيرها حسب الكتلوج ومتى يعلمك افضل وقت مثل فلتر الهواء كل 20الف تغيره وهكذا

اقصد لمى تشغل تحطه على N وتنزل الجلنط

Cvt مشاكلة كثيرة اكتب في اليوتيوب مشاكل cvt
او اكتب cvt problems وشوف كمية الاصوات
اللي تطلع من القير وهو توه مامشى ٤٠ او ٥٠ الف
هذا غير صوته المزعج فالخط فالقومه
خاصتاً وقت تسارع السيارة ضغط المكينه يعلق على
٧ يعني المكينه مضغوطة وهذي تأثر على المكينه على المدى
البعيد اتكلم عن وقت القومه القوية مو والسيارة ثابته سرعتها
على ١٠٠ يعني مريحة

مع احترامي لك كل الي يذمون فى CVT يا انه مااستخدمه يعني سامع من كلام الناس او انه مهمله مايغير زيته فى الوقت المحدد او انه حاط زيت غير الموصا فيه من المصنع انامستخدم نيسان مكسيما 2014 قير CVT  من اجمل السيارات الي امتلكتها فى فئتها الصوت هادي السياره تحسها شاده مته مابغيت تتجاوز تدوس على طول تروح معك عكس القيور الثانيه ترد نمره والميزه الاهم صرفيه البنزين قير CVT يوفر بنزين  
وترا الي يذمون فى قير CVT والله تحصله يدوس على السياره او انه مايغير الزيت مهمله شي طبيعي يخرب انايوم جيت اشتري المكسيما كل الناس نصحوني ابتعد عنها القير يخبط وو الخ.. واشتريتها وقلت ياليتني مشتريها من زمان بعتها كنت محتاج فلوس ولا والله لوماكنت محتاج اني ماابيعها 
ياليت الي مستخدم الالتيما يفيدنا عن قطعها متوفره مثل المكسيما وسعرها غاليه ولا رخيصه والعزل فيها كيف الرساوه ياليت يفيدنا بسلبيات و الايجابيات 

انا توني طلعت التيما 2018 sv ولله الحمد
دفعة مقدمه مع القسط الاول 7200 تقريبا
القسط الشهري 1319 ريال
دفعة اخيره 18 الف
اجمالي المبلغ 105.000 ريال مع تامين شامل ( الراجحي )
اما من ناحية السياره ما شاء الله تبارك الله عزلها جميل بالنسبه لفئتها والعزم كويس
السياره اقتصاديه عبيت فل من داخل الطايف ومسكت خط الرياض ومثبت على سرعة 140 بالضبط وصلتني للرياض وباقي مكتوب تمشيني 100 كيلو والله على ما اقول شهيد
الثبات والرساوه في المنعطفات مررررره بطله الصلاه على النبي
المكيف ثلللج ما شاء الله
وش بعد تبي اكثر من كذا ؟ وسعرها مناسب وخصوصا اللي بيشتريها كاش
اما من ناحية قطع الغيار
شريت فلتر زيت من الوكاله نفسها طلع بـ 30 ريال
وشريت فلتر مكينه ( فلتر هوا ) بـ 123 ريال اشوفه غالي مدري عن الكامري بكم
السياره لها شهر معي بالضبط ماشيه 8000 الان
ملاحظه / صوت الديكور الخلفي عند القزاز اللي ورا فيه طقطقه تجي احيانا مع الشوارع السيئه
وسلامتكم

قير الالتيما من ٢٠١٣ تحسن بكثير
نفس الشي مع الماكسيما ٢٠١٦ اخر شكل
فلا تقارنه مع الماكسيما اللي قبل

و اذا متخوف من القير هذا ممكن بديل بنفس المواصفات بقير تبترونك
بنفس السعر عند الماليبو الشكل الجديد على ٦٢ بالمعارض
لكن مهي منتشره الالتيما اكيد افضل توكل على الله
الكامري زاد سعرها و المازدا لحقتها و الاكورد اللي اغلى من الثنتين
مع ان قيرها CVT و المكينه تيربو و التانكي اصغر !

الحق على الالتيما ما دام عليها تصفية
الجديدة بتنزل غاليه و المواتر الموفرة هذي تمسك سعرها جديدة

الله يعطيكم العافيه جميع 

لاتقيس على المكسيما
الـ cvt مع 6 سلندر أهون شوي ، أما 4 ماينفع بريال

كلام عايد صحيح
فيه فيديو لـ حسن كتبي للألتيما الـ 4 والـ 6 ، شوف الـ 4 كيف قومته وصوته وبتغسل يدك منها

نيسان انتهت 2002 ، نصيحة اخ اهرب

انا معي التيما 4 سلندر القير سلس جدا جدا جدا
لا حنه ولا ازعاج ولا راح تحس بالفرق بالسواقه العاديه
يمكن يفرق معاك فقططط اذا حطيته وضعية سبورت ودعست للصاجه
هنا ما راح يعطيك تبديلات وهميه
اما اذا طفيت وضعية السبورت ودعست دعسه كامله راح يعطيك تبديل وهمي
والصراحه اللي ما جرب السيارة ويذم لمجرد كلام سمعه او مقطع شافه يوفرها في جيبه 
السيارة مريحه جدا جدا ومكيفها ما شاء الله جبار ومعروفه نيسان بالتكييف ومكينة نشيطة جدا جدا
من الانشط بالفئة واليوتيوب والانستقرام شاهد وعندي لكل سيارة بالفئه مقطع تقوم عليها الالتيما ويختلف 
النشاط من سيارة لسيارة وقد تطلع عليها احيان بسبب النشاط والمحافظة على الزيوت والسوائل وغيره
كرساوة على ان جنط سيارتي صغير 16 الا اني كنت اجربها على سرعات مرتفعه شوي على منعطفات و ممتازه جدا
ملاحظاتي عليها صوت بالمساعد واتوقع من وقفتها بالمعرض لفتره طويلة
واحيانا يطلع صوت من الزوايا فالشوارع التعبانه

بخصوص اسعار الصيانة
اول صيانة 10 الاف تكلفك 500 على كلام فاضي وسحبت عليهم بعدها
وشفت الماليبو والمازدا نفس الحكاية كله ضحك عالدقون
غير زيتك في مركز معتمد بالفاتوره مثل ون ستوب وغيره عشان الضمان واسحب على صيانتهم

بخصوص رد اخوي modern 
انامابيها اسابق فيها الله يسعدك  اناابيها لدوام ومشاوير داخل البلد معي كابرس V8 معدل عليه مااقدر استخدمه استخدام يومي عشان كذا اباخذ التيما معه 

مع الاهتمام ماعندك مشكلة..

ملاحظة : 2019 فيها تغييرات جيدة اطلع عليها .

لايك ياشباب \\

كثير من الشباب معهم مكسيما وماشاء الله القير ممتاز من دون مشاكل

اعرف شباب ماشي 400 الف بس يغير زيت القير كل 40 الف

خذها ولا تسمع اللي يذم.

أنت فقط اهتم بقضية وحدة وبس (( الصياااانة السليمة ))
غير زيت و 2 فلتر كل [[ 30 ألف ]] بانتظام .. لا تقول مبالغة هذا رقم مدروس ، وخذها مني لن تواجه أي أعطال حتى ٢٠٠ و ٣٠٠ و ٤٠٠ الف كيلو

وإياك ثم إياك ثم إياك أنك تسوي صيانة القير لدى الوكلاء احذر !!


اللي عليك أنك كل ٣٠ الف تغير زيت اصلي CVT NS-3 و تفك الكرتير وتنظفه زين مع المغناطيس وتغير الفلاتر الاثنين الحديد الداخلي والورقي الخارجي بجدد اصلية وتضع الكمية الصحيحة للألتيما وتتأكد منها زييين

ولابد يكون الموتر باارد جدا قبل العملية

وسلامتك

يا أبو سند
ليه ما اغير زيت القير بالوكاله اذا صار شي على مسؤليتهم وتحت الضمان
وقير السي في تي اغلب الصيانات الخارجيه يقول غيره بالوكاله

لأنهم يا أخ هاني لا يقومون بصيانته بالشكل الصحيح وبالشكل الكامل بالطريقة اللي ذكرتها لك.


نصيحة مني .. طبق ما قلت لك لكي تحافظ على القير أطول مدة ممكنة

وفعلا الوكالات ماتدري  غير ولا مايغير الافضل تحت نظر عينك 

مشكور 

اخوي ابو سند كلامه صحيح

للأسف بعض العاملين في الوكالات غير مؤهلين وشغل مش حالك
انا تركت صيانة الوكالة بعد 30000 كم
بسبب وضع 5 علب زيت بدل 4.5 عيار الوكالة
لانه بيتسبب في تهريب الصوف.